Cəmiyyət

15 yaşı tamam olmayanlar üçün şəxsiyyət vəsiqəsi pulsuz ola bilər

27 Fevral 2026 09:43

Baxış: 742

VTB-də minimal faiz dərəcəsi ilə nağd kredit 9.9%-dən

#CƏMİYYƏT #ŞƏXSİYYƏT VƏSİQƏSİ

15 yaşı tamam olmayan vətəndaşlara on gün müddətində şəxsiyyət vəsiqəsinin pulsuz verilməsi təklif edilir.

Milli.Az xəbər verir ki, bu, Milli Məclisin İnsan hüquqları komitəsinin bugünkü iclasında müzakirə olunan İnsan hüquqları üzrə müvəkkilin (Ombudsmanın) 2025-ci il üzrə məruzəsində öz əksini tapıb.

"Dövlət rüsumu haqqında" Qanuna əsasən, 15 yaşı tamam olmamış Azərbaycan vətəndaşına şəxsiyyət vəsiqəsinin verilməsinə və ya dəyişdirilməsinə görə - on gün müddətində verildikdə və ya dəyişdirildikdə - 5 manat dövlət rüsumu tutulur.

Ombudsmanın məruzəsində 15 yaşı tamam olmamış Azərbaycan Respublikasının vətəndaşına şəxsiyyət vəsiqəsinin on gün müddətində verilməsi və ya dəyişdirilməsinin ödənişsiz əsaslarla həyata keçirilməsi təklif edilir./Trend.Az

Milli.Az