Cəmiyyət

Bakıda 540 qram çəki ilə körpə DOĞULDU - belə xilas olundu - VİDEO

11 Fevral 2026 11:25

Baxış: 2 391

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO #AİLƏ #HAMİLƏLİK

Hamiləliyin 23-cü həftəsində yalnız 540 qram bədən çəkisi ilə dünyaya gələn körpənin həyatı intensiv tibbi müdaxilə sayəsində qorunub saxlanılıb.

Milli.Az xəbər verir ki, özəl xəstəxanada çox erkən doğulan körpə, kliniki vəziyyətinin ağır olması səbəbindən Ə.F.Qarayev adına Uşaq Klinik Xəstəxanasına köçürülüb.

Yenidoğulmuşların reanimasiyası şöbəsində aparılan müayinələr nəticəsində körpədə kəskin tənəffüs çatışmazlığı, bronx-ağciyər displaziyası, bilateral pnevmotoraks, periventrikulyar leykomalasiya (PVL) və vaxtından əvvəl doğulmuşların retinopatiyası (ROP) diaqnozları müəyyən olunub.

Doğuş zamanı əkiz tayını itirən və dünyaya gələndən bəri süni tənəffüs aparatına qoşulan Nur uzunmüddətli intensiv müalicə və peşəkar həkim nəzarəti sayəsində həyatda qalıb. Bir neçə aylıq çətin mübarizədən sonra körpənin vəziyyəti tədricən stabilləşib, həyati göstəriciləri normallaşıb.

Artıq çəkisi 2 kiloqrama çatmış körpənin həyatı təhlükəsizdir və vəziyyəti qənaətbəxş hesab edildiyi üçün evə buraxılıb. Hazırda ambulator nəzarət altında olan Nurun hekayəsi göstərir ki, müasir tibb və ixtisaslı həkim heyətinin fədakarlığı ən mürəkkəb hallarda belə həyat xilas edə bilər.

Bu hadisə, həmçinin, vaxtından əvvəl doğulan körpələr üçün ümid və gələcəyə inam nümunəsi kimi qiymətləndirilir. Qeyd edək ki, Nur 48 yaşlı ananın 15 il sonsuzluqdan sonra dünyaya gətirdiyi ilk övladıdır.

Musa
Milli.Az