Cəmiyyət

Azərbaycanda bu məktəbdə dərslər koridorda keçirilir

3 Noyabr 2025 16:00

Baxış: 404

VTB-də yüksək depozit faizleri daha çox qazandırır

#CƏMİYYƏT #TƏHSİL #MƏKTƏB

Yevlax rayonunun Salahlı kəndində yerləşən Bəylər Əiyev adına tam orta məktəbin dam örtüyü bir il əvvəl güclü külək nəticəsində zədələnib. Hadisə zamanı məktəbin dəmir konstruksiyalı dam hissəsi uçub və bina yararsız hala düşüb.

Milli.Az xəbər verir ki, o vaxtdan bəri məktəbin damı bərpa edilmədiyi üçün yağışlı havalarda sinif otaqlarına su dolur, avadanlıqlar sıradan çıxır. Bu vəziyyət həm şagirdlər, həm də valideynlər arasında ciddi narazılıq yaradıb.

"Bir ildir məktəb bu vəziyyətdədir. Yağış yağanda bütün sinif otaqları islanır. Uşaqlar dərslərini koridorda keçirlər. İndiki dövrdə koridorda dərs keçmək doğrudurmu?", - deyə narazı valideynlərdən biri bildirib.

Məsələ ilə bağlı Mərkəzi Aran Regional Təhsil İdarəsindən bildirilib ki, Salahlı kənd tam orta məktəbinin dam örtüyünün külək nəticəsində zədələnməsi ilə bağlı daxil olan müraciətlər araşdırılıb və məsələ diqqət mərkəzinə götürülüb. Qurumdan verilən məlumata görə, yaxın vaxtlarda problemin həlli istiqamətində tədbirlər görüləcək.

Asya Hüseyn
Milli.Az