Cəmiyyət

"Monitor şiri" dövrü bitdi - Təhqir etməzdən əvvəl bunları bilməlisiniz

30 Oktyabr 2025 17:30

Baxış: 433

VTB-də yüksək depozit faizleri daha çox qazandırır

#CƏMİYYƏT

Sosial şəbəkələri bəziləri əyləncə, bəziləri ünsiyyət üçün, digər qismi isə pis məqsədlər üçün istifadə edirlər. Təhqir etmək, insanları alçaltmaq kimi hərəkətlər edənlər də az deyil. Bu hala məruz qalanlar ən çox bloqerlərdir.

Milli.Az xəbər verir ki, məsələ ilə bağlı bloqer Nərmin Vəliyeva bildirib ki, insanlar çox vaxt bloqerlərin parlaq həyatının yalnız kadr arxasını görürlər:

"Amma bu belə deyil. Təbii ki bunun da çətinlikləri var. Bu çətinliklərdən biri də insanların yazdığı şərhlərdir. Amma bu da işimizin bir parçasıdır. Bəzi durumlarda həmin şəxslər araşdırılıb tapılır".

Bəs qanunla bu hallar necə tənzimlənir?

Məsələ ilə bağlı hüquqşünas Mircavid Miryev bildirir ki, insan ləyaqətini alçaltmaq məsuliyyət yaradır. Həmin şəxslər heç vaxt tapıla bilməyəcəklərini düşünürlər:

"Cinayət Məcəlləsinin 148.1-ci maddəsinə əsasən, internet informasiya ehtiyatlarında saxta profil adları və ya hesabları açmaqla bundan istifadə etməklə digər şəxsləri təhqir etmək cinayət məsuliyyətinə səbəb olur. Böhtan isə Cinayət Məcəlləsinin 147 və 148-ci maddələrində böhtan və təhqirin tərifi verilib. Bütün bu hallar baş verərsə, həmin şəxslər bilməlidirlər ki, sosial şəbəkə üzərindən təhqir etdikləri, böhtan atdıqları hallarda onlar məsuliyyətə cəlb ediləcəklər".

Hüquqşünas qeyd edir ki, həmin əməlin dərəcəsindən asılı olaraq həmin şəxsləri pul cəriməsi və həbs cəzası gözləyir.

Aysel Əkbər
Milli.Az