Cəmiyyət

Masazır sakinlərinə ŞAD XƏBƏR

30 Oktyabr 2025 11:04

Baxış: 4 321

VTB-də minimal faiz dərəcəsi ilə nağd kredit 9.9%-dən

#CƏMİYYƏT #AVTOBUS

Paytaxtda bəzi sərnişinlər və avtobus sürücüləri arasında heç cür razılıq əldə oluna bilmir.

Milli.Az xəbər verir ki, sərnişinlər həm sürücülərin siqaret çəkməsindən narazıdır, həm də avtobusların köhnə və xarab olmasından narahatdırlar.

Sərnişinlərin sözlərinə görə, 525 nömrəli xətt üzrə fəaliyyət göstərən avtobusların əksəriyyəti köhnə və istismara yararsız vəziyyətdədir. Onlar bildiriblər ki, nəqliyyat vasitələri tez-tez xarab olur, bu da həm sərnişinlərin narahatlığına, həm də marşrutda hərəkət sıxlığına səbəb olur.

Şikayətçilər əlavə ediblər ki, xətt üzrə mövcud avtobuslar sərnişin axınını qarşılamaqda çətinlik çəkir, xüsusən səhər və axşam pik saatlarında avtobuslarda yer tapmaq mümkünsüz olur.

Sürücülər isə problemin yolun təmirsiz olması ilə əlaqələndirirlər:

"Yol təmirsizdir deyə gec gəlib çata bilirik. Amma intervaldan kənara çıxmırıq".

Məsələ ilə bağlı AYNA-dan bildirildi ki, qurum daşıyıcılara və sürücülərə nizam-intizam və sərnişin daşıma qaydalarına əməl etmək barədə ciddi tapşırıqlar verib. Köhnə avtobus olan xətlərin sahiblərin də xəttin yenilənməsi ilə bağlı mütəmadi xəbərdarlıq edilir.

Bəs Masazır qəsəbəsində yerləşən Zəngilan şəhərciyində yolun aqibəti necə olacaq?

Məsələ ilə bağlı Masazır bələdiyyəsindən bildirildi ki, sözügedən yol gələn il təmir ediləcək.

Aysel Əkbər
Milli.Az