Cəmiyyət

Sumqayıtda da gediş haqqı artırılır - Bu tarixdə

23 Oktyabr 2025 15:04
Baxış: 3 639
VTB-də minimal faiz dərəcəsi ilə nağd kredit 9.9%-dən
#CƏMİYYƏT

İlin sonunadək Sumqayıt şəhərinin nəqliyyat parkı yenilənəcək. Şəhər yaxın zamanda 100 ədəd sıxılmış təbii qaz (CNG) və elektrik mühərrikli avtobusla təmin ediləcək.

Milli.Az xəbər verir ki, bu barədə Bizim.media-ya açıqlamasında Sumqayıt Avtomobil Nəqliyyatı ilə Sərnişindaşıma İdarəsi rəisinin müavini Tofiq Saydumov məlumat verib.

Onun sözlərinə görə, yeni nəqliyyat vasitələrinin istifadəyə verilməsi ilə yanaşı, 2026-cı ilin yanvar ayından etibarən şəhər ictimai nəqliyyatında kart sistemi tətbiq olunacaq. Bu sistemlə ödənişlər nağdsız şəkildə həyata keçiriləcək.

Tofiq Saydumov həmçinin qeyd edib ki, yanvardan etibarən Sumqayıtda gediş haqqı 60 qəpik olacaq.

"Hazırda Sumqayıtda gediş haqqı 50 qəpikdir. Yeni avtobuslar gəldikdə və kart sistemi qurulduqda sərnişinlərin kartından gediş haqqı üçün avtomatik olaraq 60 qəpik çıxacaq", - deyə o, bildirib.

Xatırladaq ki, oktyabrın 1-dən ictimai nəqliyyatda gediş haqqı 50 qəpikdən 60 qəpiyə artırılıb. Bu artım müasir tələblərə cavab verən yalnız elektrik və CNG yanacaq növlü avtobuslara aiddir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.