Cəmiyyət

"Quranı dədən yazıb?!" - "TikTok"dan polisə getdi

19 Sentyabr 2025 16:16
Baxış: 1 634
VTB-də minimal faiz dərəcəsi ilə nağd kredit 9.9%-dən
#TİKTOK

"TikTok" platformasında yayımlanan bəzi canlı videolarda dini və mənəvi dəyərlərin təhqir olunması hallarının artması cəmiyyətdə narahatlıq yaradıb. Bəzi istifadəçilər bu davranışları zarafat kimi dəyərləndirsə də, digərləri bunu ciddi sayaraq ictimai dəyərlərə hörmətsizlik və zərərli tendensiya kimi qiymətləndirirlər.

Milli.Az xəbər verir ki, mövzu ilə bağlı Daxili İşlər Nazirliyindən verilən məlumata görə, bu kimi hallarla əlaqədar aidiyyəti üzrə polis orqanlarında araşdırma aparılır. Nazirlik bildirib ki, vətəndaşların haqlı etirazına səbəb olan bu hallar mütəmadi olaraq nəzarətdə saxlanılır və uyğun tədbirlər görülür. Belə şəxslər müəyyən olunaraq barələrində inzibati və ya cinayət məsuliyyəti tətbiq edilir.

Qurum vətəndaşlara sosial şəbəkələrdən istifadə zamanı məsuliyyətli olmağı, başqalarının şərəf və ləyaqətini alçaldan ifadələrdən çəkinməyi və qanunvericiliyin tələblərinə əməl etməyi tövsiyə edib.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.