Cəmiyyət

Avtomobil almağa tələsməyin: Məlumat bazası yaradılır

18 İyun 2025 11:48

Baxış: 887

VTB-də minimal faiz dərəcəsi ilə nağd kredit 10.49%-dən

#AVTO #AVTOMOBİL #MAŞIN BAZARI

Azərbaycanda avtomobillərlə bağlı vahid məlumat bazasının yaradılması planlaşdırılır. Yeni sistem maşının texniki vəziyyətindən tutmuş qəzalar və sığorta tariçəsinədək bütün məlumatları əhatə edəcək.

Bəs bu bazanın nə kimi üstünlükləri var?

Milli.Az xəbər verir ki, məsələ ilə bağlı sığorta eksperti Emil Ağabağırov bildirib ki, bu baza həm sığorta, həm sürücülər, həm də nəzarət orqanları üçün vacib alət olacaq:

"Bu Vinkod sisteminin, yəni avtomobil bazasının yaradılmasının bir çox üstünlükləri olacaq. Hal-hazırda bununla bağlı beynəlxalq təcrübə proqramı araşdırılır, xüsusilə həm sürücülər üçün, həm də vətəndaşlar üçün bu bazanın yaradılması çox mühim portaldır. Vətəndaşlar artıq portala daxil olmaqla avtomobillə bağlı bütün məlumatları əldə edə biləcəklər. Hazırda dünya praktikası öyrənilir. Məlumat bazası həm fərdi alıcıları, həm də hüquqi tərəfləri qorumağa yönəlib".

Sığorta ekspertləri bazanın maliyyə risk və təhlili baxımından, nəqliyyat ekspertləri isə təhlükəsizlik və nəzarət mexanizmi baxımından faydalı olduğunu qeyd eləyirlər.

Mövzu ilə bağlı nəqliyyat eksperti Yasin Mustafayev bildirib ki, sistemin tətbiqi bütövlükdə avtomobil bazarına şəffaflıq gətirəcək:

"Burada avtomobil istehsal tarixi, markası, modeli və digər məlumatlar, həmçinin avtomobilin texniki vəziyyəti, vuruğu olub-olmaması, qəza törətməyi barədə məlumatlar qeyd olunur. Bu da insanlara avtomobil alarkən, satarkən onlara rahatlıq verəcək".

Qeyd edək ki, yaradılacaq avtomobil məlumat bazası həm hüquqi şəffaflıq, həm də yollarda təhlükəsizliyin təmin olunmasında rol oynayacaq.

Aysel Əkbər
Milli.Az