Cəmiyyət

Bakının mərkəzindəki bu yolda qəza riski yüksəkdir

2 İyun 2025 18:28

Baxış: 1 160

VTB-də minimal faiz dərəcəsi ilə nağd kredit 9.9%-dən

#YOL

Paytaxtın Heydər Əliyev prospekti ilə Davud Aslan küçəsinin kəsişməsi bir növ problemli yol adlanır.

Milli.Az xəbər verir ki, sürücülərin bildirdiyinə görə, tuneldən çıxaraq sağa Davud Aslan küçəsinə dönmək istəyənlər üçün burada ciddi təhlükə yaranır.

Problem ondadır ki, bu istiqamətdə hərəkət edən sürücülər sağdan gələn avtomobilləri vaxtında görə bilmirlər. Digər tərəfdən isə "Stop" xəttində dayanıb sola baxmaq istəyənlər də görünüş məhdudiyyətinə görə soldan gələn nəqliyyat vasitələrini görməkdə çətinlik çəkirlər. Hərəkətin bu şəkildə təşkil olunması qəza ehtimalını artırır.

Qeyd olunur ki, ərazidə quraşdırılmış güzgü vəziyyəti düzəltməyə yetmir. Çünki yolun kənarındakı divar həm sağdan, həm də soldan gələn avtomobillərin görünməsini əngəlləyir. Sürücülər nəqliyyat vasitələrini yalnız son anda fərq edə bilirlər ki, bu da ciddi risk yaradır.

Ekspertlər həmin yol sahəsində hərəkətin daha təhlükəsiz təşkil olunması üçün müvafiq qurumların təcili tədbir görməsinin vacibliyini bildirirlər.

Asya
Milli.Az