Cəmiyyət

Ölüm ayağında olan insanların peşman olduğu şeylər - Kaş ki, bu qədər işləməzdim

15 Aprel 2025 20:00

Baxış: 891

VTB-də minimal faiz dərəcəsi ilə nağd kredit 10.49%-dən

#DÜNYADA #CƏMİYYƏT #XƏSTƏLİK

Ölüm ayağında olan insanların ən çox peşman olduqları şeylər barədə dünyanın müxtəlif ölkələrindəki hospislərdə (xəstələrin həyatının son mərhələsində qulluq göstərilən yerlərdə) aparılan müşahidələr və müsahibələr əsasında bir neçə ortaq məqam ortaya çıxıb.

Milli.Az xarici mətbuata istinadla xəbər verir ki, Avstraliyalı tibb bacısı Bronnie Ware bu barədə "Ölüm Ayağındakı İnsanların Ən Böyük 5 Peşmançılığı" adlı kitab yazıb. O, uzun illər ölümə yaxın olan insanlara qulluq edib və onların dediklərini qeyd edib. Onun müşahidələrinə əsasən, ən çox təkrarlanan peşmanlıqlar bunlar olub:

"Kaş ki, başqalarının məndən gözlədiyi kimi deyil, öz istədiyim kimi yaşasaydım" - İnsanlar həyatlarının çoxunu başqalarının istəklərinə uyğun keçirdiklərini, öz arzularını isə arxa plana atdıqlarını etiraf ediblər.

"Kaş ki, bu qədər çox işləməsəydim" - Xüsusilə ailə və yaxınları ilə keçirdikləri zamanın azlığından peşman olanlar çox olub.

"Kaş ki, hisslərimi ifadə etməyə cəsarət etsəydim" - Bir çox insan duyğularını gizlədərək yaşayıb və bu da onlara daxili narahatlıq və peşmançılıq verib.

"Kaş ki, dostlarımla əlaqəni kəsməsəydim" - İllərlə yaxın dostlarından uzaq düşən və bunu düzəltməyə fürsət tapmayan insanlar çox olub.

"Kaş ki, özümə daha çox xoşbəxt olmağa icazə verəydim" - Bir çox insan başqalarının gözləntilərinə uyğun yaşamağa çalışdığı üçün daxili rahatlıq və xoşbəxtlik hissini ikinci plana atıb.

Bu peşmanlıqlar insanlara vaxtında düşünmədikləri məsələləri son anda xatırladır. Əslində isə həyatın dəyərini hər gün xatırlamaq və yaşadığımız hər anın məsuliyyətini dərk etmək bu peşmanlıqları azaltmaq üçün ən böyük addımdır.

İsmayıl
Milli.Az