Cəmiyyət

Sakinlər öz hesablarına kanalizasiya çəkdirmək istədilər, amma 17400 manat itirdilər - ŞİKAYƏT

5 Aprel 2025 23:27

Baxış: 1 089

VTB-də minimal faiz dərəcəsi ilə nağd kredit 9.9%-dən

#CƏMİYYƏT #ŞİKAYƏT

Suraxanı rayon Qum adasında yaşayan sakinlər öz hesablarına kanalizasiya xətti çəkməyə qərara gəliblər.

Milli.Az xəbər verir ki, onlar 17400 manat vəsait yığıblar. Onların sifarişini yerine yetirəcəyini deyən şəxs pulu götürərək aradan çıxıb.

Sakinlər iddia edir ki, Sabir Tağıyev adlı şəxs onları inandırmaq üçün qəsəbəyə kanalizasiya boruları gətirib. Ancaq işi aparacağı bilmədiyini aparıb gətirdiyi borularını da sataraq cəmi 2350 manat pul qaytarıb.

Qəsəbələrinə kanalizasiya xəttinin çəkilməsini istəyən şəxslər Sabir Tağıyevdən pullarını geri istəyirlər. Sabir Tağıyev isə zənglərimizə cavab vermədi.

Bəs bu kimi hallarda zərərçəkənlər nə etməlidir?

Məsələ ilə bağlı hüquqşünas Hikmət Xəlilov bildirib ki, zərərçəkmiş şəxslərə dəymiş zərər təqsirləndirilən şəxsin əmlaklarına yönəldirilə bilər. Bununla bağlı istintaq orqanının əməkdaşları tərəfindən təqsirləndirilən şəxsin əmlakları müəyyənləşdirilə bilər.

Məsələ hazırda DİN-in də diqqətindədir.

İri Şəhərlərin Birləşmiş Su Təchizatı Xidmətindən bildirildi ki, dövlət su agentliyinin sifarişi ilə kanalizasiya sistemi olmayan ərazilərdə təchizat sisteminin qurulması məqsədi ilə müvqaif layihə sənədləri hazırlanır.

Aysel Əkbər
Milli.Az