Cəmiyyət

Sosial şəbəkələrdə təhqirə görə hansı cəzalar gözləyir?

6 Aprel 2025 00:40

Baxış: 617

VTB-də minimal faiz dərəcəsi ilə nağd kredit 10.49%-dən

#HÜQUQ

Son illərdə sosial şəbəkələri insanlar tək əylənməyə yox, həmçinin saxta profillərlə təhqir eləmək üçün istifadə edirlər. Hər şeyin sosialda qalacağını düşünən insanlar, əslində, məsuliyyət daşıdıqlarını bəlkə də bilmirlər.

Bəs sosial şəbəkələrdə təhqirə görə hansı məsuliyyəti daşıyırsınız?

Məsələ ilə bağlı Milli.Az-a hüquqşünas Rəşad Əliyev açıqlama verib:

"Saxta hesab dedikdə öz adının olmadığı, şəxsiyyətini gizlətmək nəzərdə tutulur. Bu cür profillərdən təhqir edən şəxslər 1000 manatdan 2000 manata qədər cərimə, 360 saatdan 480 saata qədər ictimai işlərə cəlb oluna və ya 1 ilə qədər azadlıqdan məhrum oluna bilər.

Əgər sizə olunan böhtan daha sərtdirsə, buna görə, daha ağır cəzalar nəzərdə tutulur. Bu halda 2 ilədək islah işləri, 3 ilədək azadlığın məhdudlaşdırılması və ya 3 ilədək həbs edilə bilər".

Hüquq-mühafizə orqanları vətəndaşları sosial şəbəkələrdə diqqətli olmağa çağırır.

Qeyd edək ki, təhqir və böhtana məruz qalan şəxs mülki qaydada məhkəməyə müraciət edə bilər. Həmçinin dəymiş maddi ziyana görə kompensasiya tələb edə bilər.

Aysel Əkbər
Milli.Az