Cəmiyyət

Aldadıldı, sürücülük hüququ alındı və işdən çıxarıldı

2 Aprel 2025 20:46

Baxış: 1 383

VTB-də minimal faiz dərəcəsi ilə nağd kredit 9.9%-dən

#DƏLƏDUZLUQ #ŞİKAYƏT

Redaksiyamıza müraciət edən Kamal İskəndərzadə dolandırıcılığa məruz qalması ilə bağlı şikayətçidir. Belə ki, o, Arzu Həsənovla tanış olduqdan sonra işə düzəlmək üçün sənədlərinin sürətini ona verir. Bir müddət sonra adına notariat qaydada 9 maşın etibar edilib. Başqa şəxslər tərəfindən idarə olunan həmin avtomobillərin cərimələri Kamalın adına yazılır.

Milli.Az xəbər verir ki, qazancı sürücülükdən çıxan şikayətçinin 3000 manatlıq borca görə sürücülük hüququ əlindən alınıb, yanvar ayında da işdən çıxarılıb. Vətəndaş məsələnin araşdırılmasını istəyir.

Arzu Həsənovun maşın icarəyə götürdüyü sahibkarlardan biri Elçin Əhmədovla telefon vasitəsi ilə əlaqə saxladıq. Elçin də Arzudan şikayətçi olduğunu bildirib.

"Mən də zərərçəkən tərəfəm. Mən bu cərimələri yavaş-yavaş ödəyirəm, çünki avtomobilimə həbs qoyula bilər. Bu məsələdə mən Kamalı dəstəkləyirəm. Belə bir şey baş verməməli idi. Arzu adlı şəxsin bu əməlllərinə görə hamımız zərər çəkmişik".

Məsələ ilə bağlı Ədliyyə Nazirliyindən bildirildi ki, Mülki Məcəllənin 324.3-cü maddəsinə əsasən, etibarnamə bir tərəfin iradə ifadəsinin zəruri və yetərli olduğu sənəd hesab edildiyindən rəsmiləşdirilərkən etibar edilən şəxsin iştirakının zəruriliyi nəzərdə tutulmayıb. Buna görə də, bir çox hallarda vətəndaşların xəbəri olmadan etibar edilən şəxs qismində nəqliyyat vasitəsinə dair etibarnamələr təsdiq edilir. İnsanlar baş verən halların aradan qaldırılması məqsədi ilə notarial ofisinə yaxınlaşaraq etibarnamələri ləğv edə bilərlər.

Sözügedən hadisə ilə bağlı DİN-dən bildirilir ki, məsələ araşdırılır.

Aysel Əkbər
Milli.Az