Qarda ziyan görən avtomobillərin zərərini kim qarşılamalıdır? - Sığorta yoxsa ...

Qarda ziyan görən avtomobillərin zərərini kim qarşılamalıdır? - Sığorta yoxsa ... - AÇIQLAMA

27 Fevral 2025 21:18

Baxış: 683

Qış aylarında hava şəraiti xüsusən də qar və buzla örtülmüş yollar sürücülər üçün böyük təhlükələr yaradır.

Milli.Az xəbər verir ki, qarlı havada baş verən qəzalarda maddi və fiziki zərərlər yaranır, lakin bu vəziyyətdə zərərin kim tərəfindən ödəniləcəyi çox vaxt mübahisə doğurur.

Məsələ ilə bağlı nəqliyyat eksperti Eldəniz Cəfərov bildirib ki, qarlı hava şəraitində yol hərəkəti təhlükəsizliyini təmin etmək üçün sürücülər daha diqqətli olmalı və yolun vəziyyətinə uyğun sürət seçməlidirlər. Lakin bəzən bu qaydalara riayət etsələr belə, təbii fəlakətlər və qeyri-sabit hava şəraiti səbəbindən qəzalara səbəb ola bilər.

"Əgər zərər 1000 manatdan çox deyilsə, sürücülər öz aralarında həll edə bilər. Amma sürücünün avtomobili sığorta olunubsa, qəza nəticəsində baş verən maddi zərəri sığorta şirkəti ödəməlidir. Lakin sığorta şirkətləri tez-tez bu tip hallarda xüsusi şərtlər və qaydalar tətbiq edirlər. Məsələn, sığorta qarlı hava şəraitinə uyğun olaraq bəzi hallarda zərərləri tam şəkildə ödəməyə bilər".

Ekspert sürücüləri qarlı havada daha diqqətli olmağa, yol hərəkəti qaydalarına riayət etməyə və avtomobillərini sığortalamağa çağırır. Bu, həmçinin qəza zamanı baş verən zərərlərin minimuma endirilməsinə kömək edə bilər.

Aysel Əkbər
Milli.Az