Cəmiyyət

Vəfat edən şəxsin pensiya kapitalı ailəsinə verilə bilər? - AÇIQLAMA

1 Fevral 2025 00:48
Baxış: 2 732
VTB-də minimal faiz dərəcəsi ilə nağd kredit 9.9%-dən
#PENSİYA

"Dünyasını dəyişən vətəndaşlarımızın pensiya kapitalının bir hissəsinin onun vərəsəsinə verilməsi müzakirə edilən məsələlərdəndir".

Milli.Az xəbər verir ki, bunu iqtisadçı deputat Vüqar Bayramov deyib. O bildirib ki, dünyasını dəyişən vətəndaşın pensiya ödənişlərinə diqqət yetirsək, dünyasını dəyişən vətəndaşlarımızın təxminən 40 faizinin pensiyasını onun vərəsəsi, yoldaşı və ya uşaqları alır:

"Mövcud qanunvericiliyə əsasən, dünyasını dəyişən şəxsin yoldaşı pensiya alırsa, həmçinin öz pensiyası azdırsa, ondan imtina edərək yoldaşının pensiyasından istifadə etmək hüququna malikdir. Eyni zamanda, 18 yaşına çatmamış övladları varsa, bu halda pensiya valideynini itirmiş şəxslərə ödənilir. Biz pensiya kapitalından istifadə ilə bağlı təkliflərimizi təqdim etmişik. Həm Sinqapur, həm də ABŞ modelindən istifadəni təklif edirik. Çünki hər iki modeldə pensiya kapitalının bir hissəsinin istehlaka yönəldilməsi imkanları var. 

Təklifimiz ondan ibarətdir ki, yalnız minimum pensiya kapitalından deyil, həm də orta pensiya kapitalından istifadə olunsun. Yalnız dünyasını dəyişmiş vətəndaşlarımız üçün deyil, ümumiyyətlə, pensiya kapitalında yığım nəzərə alınmaqla istifadə imkanları verilməsini məqsədəuyğun hesab edirik". (unikal)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.