Cəmiyyət

"Kitab Evi" Xaçmaza səfər etdi - FOTO

8 İyul 2024 17:45
Baxış: 3 915
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Respublikasının Mədəniyyət Nazirliyinin dəstəyi ilə "Kitab Evi" İctimai Birliyinin həyata keçirdiyi "Mütaliə mədəniyyətinin inkişafı üçün çoxtərəfli əməkdaşlığın qurulıması üzrə təşəbbüslər və fəaliyyətlər" adlı layihənin növbəti tədbiri 4 iyul 2024-cü il tarixində Xaçmaz rayonunda keçirilib. 

Tədbiri layihənin rəhbəri Adilə Nəzərova açaraq, layihə haqqında qısa məlumat verib və öz çıxışında cəmiyyətləri güclü və ayaqda saxlayacaq iqtisadi inkişafa uyğun yüksəlməli olan mədəni inkişaf olduğunu qeyd edib. O, bildirib ki, mədəni inkişafa nail olmaq üçün cəmiyyətimiz mütaliə vərdişi qazanmalı və bu vərdişi ömürlük oxu mədəniyyətinə çevirməlidir.

Xaçmaz rayonunun ziyalıları və 40-dan çox oxucunun iştirak etdiyi tədbirdə Əməkdar Jurnalist Azər Həsrət çıxış edib və intellektuallığın inkişafında mütaliənin rolu barədə danışmış və gənclərə dəyərli tövsiyyələr verib Sonra şair, Xaçmazda fəaliyyət göstərən "Ulduzlar" Ədəbi Məclisinin sədri Fərzalı Ziyanur çıxış edərək, ədəbi dil qaydaları haqqında, bəzən bu qaydaların televiziya proqramlarının aparıcıları tərəfindən pozulması bərədə danışmış, təkcə uşaq və gənclərin deyil, eləcə də böyüklərin, xüsusilə media nümayəndələrinin mütaliəyə daha çox ehtiyacı olduğunu diqqətə çatdırıblar.

Təlimçi Həcər Paşayeva yüksək intellektli müasir standartlara uyğun bilik və dünyagörüşünə sahib olan insanların yetişməsi üçün mütaliə mədəniyyətini inkişaf etdirmənin vacibliyindən danışıb. O, mövzu ilə bağlı "Kitab Evi" İctimai Birliyinin fəaliyyətini yüksək qiymətləndirmiş və bildirib ki, Azərbaycan Respublikası Mədəniyyət Nazirliyinin maliyyə dəstəyi ilə həyata keçirilən "Mütaliə mədəniyyətinin inkişafı üçün çoxtərəfli əməkdaşlığın qurulıması üzrə təşəbbüslər və fəaliyyətlər" layihəsi çərçivəsində artıq yeddi tədbir keçirmişdir və tədbirlər davam etməkdədir. Lakin, bu azdır, belə layihələrin davamlılığına ehtiyac vardır, eyni zamanda layihə çərçivəsində keçirilən tədbirlərlərlə yanaşı bəzi təşəbbüslər də irəli sürülür. Təhsil müəssisələrində və Mədəniyyət Evlərində tədbirlər təşkil etmək və maarifləndirmə işləri aparmaq; Uşaq baxçalarında, otra və ali məktəblərdə tədbirlər keçirmək, təbliğatlar aparmaq; Peşə liseylərinin, koleclərin kitabxanalarında, eləcə də siniflərdə (oxu saatlarında) ümumi mütaliənin, o cümlədən bədii ədəbiyyatın oxunmasının artırılması mövzusunda təbliğat tədbirləri həyata keçirmək; Layihə çərçivəsində dəvət olunan mütəxəssislər tərəfindən radio və televiziyalarda, eləcə də internet kanallarında mütəxəssislərin təbliğat xarakterli çıxışlarını təşkil etmək və s.  problemin həllinə müəyyən qədər kömək edəcək.

Tədbir iştirakçılarına layihə çərçivəsində bədii ədəbiyyat nümunələri, dəftərxana ləvazimatları və üzərində Azərbaycan Respublikasının Mədəniyyət Nazirliyinin və "Kitab Evi" İctimai Birliyinin loqoları əks olunmuş köynəklər paylanılıb.

"Kitab Evi" İctimai Birliyinin sədri
Adilə Nəzərova

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.