Cəmiyyət

Salmani-farsi kimdir və İslam tarixində hansı rol oynayıb?

1 Dekabr 2023 01:00
Baxış: 608
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Salmani-farsi Həzrət Mühəmməd Peyğəmbərin (s) ən məşhur və möhtərəm səhabələrindən biridir. Adından da göründüyü kimi fars millətinə mənsub olan Salman zərdüşti ailədə doğulsa da, xristian dinində olmuş, sonra Peyğəmbər (s) haqqında məlumat eşidərək Ərəbistana gəlmişdir. Onu qul kimi Mədinədə bir yəhudiyə satmışdılar. Həzrət Mühəmməd Peyğəmbər (s) hicrət zamanı Mədinənin girişindəki Quba kəndində durduğu zaman Salman onunla görüşmüş və peyğəmbərlik əlamətlərini yoxlayaraq iman gətirmişdi. Sonralar Peyğəmbər onu ağasından satın alaraq azad etdi. Xəndək savaşında Mədinə şəhərinin ətrafına xəndək qazımağı Peyğəmbərə o təklif etmişdi, o zamana kimi ərəblər müdafiə zamanı xəndəkdən istifadə etmirdilər. Bu müdafiə üsulu sayəsində müsəlmanlar Mədinəni müşriklərdən qoruya bildilər. Peyğəmbərin vəfatından sonra Salman Əhli-beytin yanında olmuş, İmam Əlinin (ə) haqqını müdafiə etmişdir. Mədain şəhərinə vali təyin edilmiş Salman 656-cı ildə və ya 652-653-cü illərdə dünyasını dəyişmişdir. O, zahidanə həyat tərzi sürür, vali olmasına baxmayaraq zənbil toxuyub satmaqla dolanırdı. Həzrət Mühəmməd Peyğəmbər (s) onun barəsində buyurmuşdur: "Salman bizdəndir, Əhli-beytdəndir".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.