PUL
Tovuz rayonunun Alakol kəndində yerləşən həkim məntəqəsinin binası bərbad vəziyyətdədir.
Xezerxeber.az-ın məlumatına görə, bina 1988-ci ildə inşa edilib.
Birinci Qarabağ müharibəsi zamanı məntəqənin ikinci mərtəbəsi əvvəlcə hospital, daha sonra isə məktəb binası kimi fəaliyyət göstərib. Hazırda yararsız vəziyyətdədir.
Milli.Az Xəzər Xəbər-ə istinadən xəbər verir ki, elektrik naqillərinin birləşdiyi yuva açıq vəziyyətdədir. Pasiyentlərin dincəlməsi üçün nəzərdə tutulan çarpayı baxımsız haldadır. Dərman vasitələri isə pis şəraitdə saxlanır. Problemlər bununla yekunlaşmır.
Həkim məntəqəsinin müdiri Telman Cəfərov da baxımsızlıq ucbatından insanlara normal xidmət edə bilmədiklərini etiraf edib.
Məsələ ilə bağlı TƏBİB-dən bildirilib ki, həkim məntəqəsinin vəziyyəti qənaətbəxş deyil. Bu barədə aidiyyətı üzrə məlumat verilib. Nəzərdə tutulan tədbirlər planına uyğun olaraq həmin məntəqənin gələcəkdə təmiri planlaşdırılır.
Xezerxeber.az mövzu ilə bağlı daha ətraflı videomaterialı təqdim edir:
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
