Cəmiyyət

Qış fəslində yay məhsulu: qarpız və yemiş neçəyədir? - VİDEO

17 Fevral 2023 18:00

Baxış: 1 405

VTB-də minimal faiz dərəcəsi ilə nağd kredit 10.49%-dən

#VİDEO

Fevral ayı olmasına baxmayaraq, yol kənarlarında qarpız və yemiş satılır.

Milli.Az Xəzər Xəbər-ə istinadən xəbər verir ki, söhbət Bakı-Qazax magistralının Kürdəmir rayonundan keçən hissəsindən gedir.

Bostan bitkiləri əsasən yay mövsümünün dadlı nemətlərindən hesab edilir. Təbii qarpız və yemiş isə əsasən iyulun axırı, avqustda yetişir. Ancaq hazırda yol kənarlarında qarpız və yemiş satanları görmək mümkündür.

Satıcılar deyirlər ki, tələbat yay aylarında olduğundan zəifdir. Lakin bu dövrdə də bostan bitkilərinin öz müştəriləri olur. Xüsusilə, bu məhsulları müəyyən xəstəliyi olan şəxslər üçün alırlar.

Qiymətlər də yaya nisbətən daha bahadır. Qarpızın bir kiloqramı 2, yemişin kiloqramı isə 3 manata satılır.

Satıcıların sözlərinə görə, hazırda satılan qarpız və yemiş payızlıq sort hesab olunur.

Xezerxeber.az "Xəbər Ertəsi"nin mövzu ilə bağlı hazırladığı videomaterialı təqdim edir:

Milli.Az