Cəmiyyət

Laçın dəhlizində Azərbaycanın gömrük postu olacaq - TƏCİLİ XƏBƏR

5 Dekabr 2022 16:54

Baxış: 5 059

#AZƏRBAYCAN

Xəbər verildiyi kimi, Azərbaycan ərazilərində faydalı qazıntıların qanunsuz istismarı nəticəsində ekoloji fəsadların araşdırılması və monitorinqi məqsədilə ölkəmizin aidiyyəti qurumlarının mütəxəssislərindən, eyni zamanda jurnalistlərdən ibarət heyəti ötən həftə Qarabağa səfər edib. Səfər zamanı Laçın dəhlizində sülhməramlı qüvvələrlə mübahisəli anlar yaşanıb.

Milli.Az xəbər verir ki, bu gün isə bəlli olub ki, Azərbaycan və Rusiya Laçın yolunun girişində Azərbaycanın nəzarət-buraxılış məntəqəsinin quraşdırılması barədə razılığa gəliblər.

Bunu Qarabağdakı sülhməramlı qüvvələrin komandanı, general-leytenant Andrey Volkov deyib.

"Azərbaycan tərəfi ilə razılaşdırmışıq ki, giriş postunda mini gömrük postu quraşdıraq".

Bu barədə Azərbaycan ərazisində müvəqqəti yerləşdirilən Rusiya sülhməramlı qüvvələrinin komandanı general-mayor Andrey Volkov azərbaycanlı jurnalistlərə açıqlamasında bildirib.

Onun sözlərinə görə, girişdəki nəzarət-buraxılış məntəqəsinə müasir avadanlıqlar gətirmək barədə razılıq əldə olunub.

"Bizim bu günə qədər yoxlanış üçün texniki vasitələrimiz yox idi. Orada hansısa yüklərin altından nə isə keçirə bilərlər", - Volkov vurğulayıb.

Volkov qeyd edib ki, belə olan halda işin effektivliyini artıracaqlar və hər hansı qadağan edilmiş yüklərin daşınmamasına zəmanət təmin olunacaq.

Milli.Az