Cəmiyyət

BŞH-dən “Sahil bağı” ətrafındakı velosiped zolağı ilə bağlı açıqlama

30 Noyabr 2022 16:18

Baxış: 1 046

VTB-də minimal faiz dərəcəsi ilə nağd kredit 9.9%-dən

#VELOSİPED

Bakı Şəhər Halqası (BŞH) Əməliyyat Şirkəti şəhərin mərkəzi küçələrini Dənizkənarı Milli Parkla əlaqələndirən yolun "Sahil bağı" ətrafından keçən hissəsində velosiped zolağının inşası ilə bağlı açıqlama verib.

BŞH-dən verilən məlumata görə, bu küçələrdə təhlükəsizlik hasarının özək konstruksiyası 2016-cı ildən etibarən quraşdırılıb.

Formula 1 Azərbaycan Qran Prisinin keçirilmədiyi müddətdə bu özək konstruksiya piyadaların hərəkətinə mane olmamaq üçün asfalt örtüyünün altında qalır və üzəri xüsusi qoruyucu ilə bağlanır.

Velosiped zolağının çəkilməsindən öncə BŞH piyada və ya velosipedlərin hərəkətinə mane olmaması üçün bu özəklərin yerinin dəyişdirilməsini və ya velosiped zolağının özəklərdən kənarda salınmasının vacibliyini Bakı Nəqliyyat Agentliyinə bildirib. Yaranmış narahatlığın həlli üçün Bakı Nəqliyyət Agentliyi ilə razılaşdırılaraq müvafiq tədbirlər görüləcək.

Milli.Az