Cəmiyyət

Bakıda bu ərazidə bina sökülür - Sakinlərə kirayə haqqı və kompensasiya verilir - VİDEO

24 Noyabr 2022 21:54
Baxış: 1 335

Bakının Sabunçu qəsəbəsi, Xəstəxanayanı küçəsində yerləşən qəzalı binanın sökülməsinə başlanıb.

Milli.Az Xəzər TV-yə istinadən xəbər verir ki, sökülən binanın yerinə tikiləcək bina istifadəyə verilənədək sakinlərə kirayə qalmaları üçün təklif edilən məbləğ isə narazılıq yaradıb.

Bəzi sakinlər isə hər kvadratmetr üçün təklif olunan 1000 manatın da az olduğunu deyirlər.

Sabunçu rayon 148 saylı mənzil istismar idarəsinin rəisi İlqar Qasımov "Xəzər Xəbər"ə bildirib ki, rayon ərazisində istismar müddəti başa çatmış qəzalı vəziyyətdə olan yaşayış binaları sökülərək yerlərində yeni çoxmənzilli binaların tikilməsi istiqamətində işlər aparılır.

Rayon İcra Hakimiyyətindən isə "Xəzər Xəbər"ə deyilib ki, sakinlər çoxmənzilli yaşayış binalarında tam təmirli mənzillərlə təmin ediləcək. Mənzildən imtina edən sakinlərə isə müvafiq kompensasiyalar veriləcək. Hər kvadratmetrə görə müəyyənləşdirilən min manat və kirayə kimi verilən 300 manat məbləğin artırılması isə nəzərdə tutulmayıb.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics