Cəmiyyət

Ölümünə hər kəs üzülmüşdü, adı yeni doğulan bacısına verildi... - FOTO

17 Noyabr 2022 15:26

Baxış: 2 516

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Erməni silahlı birləşmələrinin Bərdə rayonunda yaşayış məntəqəsini raket atəşinə tutması nəticəsində həlak olan 2013-cü il təvəllüdlü Aysu İsgəndərovanın bacısı dünyaya gəlib.

Milli.Az "qafqazinfo"ya istinadən xəbər verir ki, bu barədə TƏBİB məlumat yayıb. Bildirilir ki, Bərdə Rayon Mərkəzi Xəstəxanasının Doğum şöbəsində bu il noyabrın 11-də pasiyent Mətanət İsgəndərova dördüncü keysəriyyə əməliyyatı ilə uşaq dünyaya gətirib. 3 kq 100 qr çəkisi, 50 sm boyu olan körpəyə bacısı Aysunun adı qoyulub.

Əməliyyatdan sonra körpənin və ananın vəziyyəti yaxşı olub. Onlara bir neçə gün ərzində zəruri tibbi xidmətlər göstərilib və artıq evə buraxılıb.

Xatırladaq ki, 2020-ci ilin oktyabr ayında Bərdə rayonunun Qarayusifli kəndinə atılan ağır artilleriya atəşi nəticəsində 7 yaşlı İsgəndərova Aysu Rövşən qızı həlak olmuşdu. Həmçinin terror hadisəsi nəticəsində Aysunun 3 yaşlı bacısı Tahirə İsgəndərova isə xəsarət alaraq xəstəxanaya yerləşdirilmişdi.

Milli.Az