Cəmiyyət

Badamdar sürüşmə sahəsində bərkitmə işləri aparılır - VİDEO

12 Oktyabr 2022 18:44

Baxış: 987

VTB-də minimal faiz dərəcəsi ilə nağd kredit 10.49%-dən

#VİDEO

Badamdar sürüşmə sahəsində yeraltı suların kənarlaşdırılması və bərkitmə işləri aparılır.

Milli.Az Xəzər Xəbər-ə istinadən xəbər verir ki, ərazidə qrunt sularının təsiri nəticəsində dəfələrlə torpaq sürüşməsi baş verib.

Hazırda sürüşməyə qaşı bərkitmə tədbiri həyata keçirilir. Təmir nəticəsində yolun hərəkət sahəsi xeyli məhdudlaşdırılıb. Ərazidə çalışan işçilər deyirlər ki, əslində yolun tamamilə bağlanması oktyabr ayının 1-dən nəzərdə tutulsa da, hələ ki, sadəcə hərəkət məhdudlaşdırılıb. Təmir işlərinə bir ay yarımdır başlandığı bildirilir.

FHN-dən "Xəzər Xəbər"ə bildirildi ki, Səbail rayonu, Badamdar qəsəbəsi "20-ci sahə" sürüşmə ərazisində Yaponiyanın "Şinyei Kaişa" şirkəti və yerli mütəxəssislərin layihəsi əsasında yamaca daxil olan yeraltı suların kənarlaşdırılması və bərkitmə işləri aparılır. Yamacın yuxarı hissəsində drenajlar qazılıb. Quyulara yığılan suyun ümumi kanalizasiya xəttinə ötürülməsi üçün yeraltı boru xəttinin çəkilişi başa çatdırılıb. Bərkitmə işlərinə yamacda 3 hissədən ibarət istinad divarlarının və bu sahədə yeraltı suların kənarlaşdırılması üçün uzunluğu 78 metr olan qalereyanın tikintisi nəzərdə tutulub. Tikinti işlərinin hava şəraitindən asılı olaraq ilin sonuna kimi başa çatdırılması planlaşdırılıb.

Xezerxeber.az mövzu ilə bağlı daha ətraflı videomaterialı təqdim edir:

Milli.Az