Cəmiyyət

Sosial şəbəkələrdə trend çevrilən - VİDEO - FOTO

28 Sentyabr 2022 21:00
Baxış: 1 471

Əllərində atasının şəkli olan, gözlərində isə böyük kədərlə yanaşı, qürur hissi duyulan kiçik qızcığaz...

Baxışlarındakı dərin məna ilə hər kəsin marağına səbəb olan və son günlərdə sosial şəbəkələrdə sürətlə yayılan bu fotodakı qız Şəhid Xaqani Əskərovun övladı 3 yaşlı Ahudur. Foto sentyabrın 14-də, Ermənistan Silahlı Qüvvələrinin həmin günlərdə törətdiyi təxribatlar zamanı şəhid olan hərbi qulluqçuların 2-ci Fəxri Xiyabanda dəfni zamanı çəkilib.

Fotojurnalist Fərqanə Qasımlı fotonun bu qədər diqqət çəkməsinin səbəbi kimi azyaşlı Ahunun məna dolu baxışlarını görür.

Milli.Az Xəzər Xəbər-ə istinadən xəbər verir ki, yaxınlarının sözlərinə görə, fotodakı Ahunun atası Xaqani Əskərov müddətdən artıq hərbi qulluqçu kimi ordu sıralarında xidmət edib. Zirehli döyüş maşınında atıcı olan Xaqani Vətən Müharibəsinin ilk günündə də döyüşlərə qatılıb. 

Ən böyük arzusunun şəhidlik olduğunu deyən Xaqani  ailəsi ilə vidalaşaraq evdən çıxıb. Sentyabrın 29-da da Füzuli istiqamətində qəhrəmancasına şəhid olub. Şəhidin 5 yaşlı Aylin və 3 yaşlı Ahu adlı qızları yadigar qalıb. 

Şəhid Xaqani Əskərov "Vətən Uğrunda" və "Xocavəndin azad olunmasına görə" medalları ilə təltif edilib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics