Cəmiyyət

2 min nəfər əhalisi olan kənddə su tapılmır - VİDEO

23 Sentyabr 2022 15:54
Baxış: 681

Biləsuvar rayonunun Təzəkənd kəndində su problemi yaşanır. Suyun olmaması kəndliləri çətin vəziyyətə salıb. Sakinlər deyirlər ki, belə vəziyyət uzun müddətdir ki, davam edir. Kənd əhalisinin əsas məşğuliyəti əkinçilikdir. Suvarma suyu ilə təminatdakı problem fermerlərin istehsal etdikləri bitkilərin məhsuldarlığını aşağı salıb.

Milli.Az Xəzər Xəbər-ə istinadən xəbər verir ki, bu kənddə nə içməyə, nə də suvarmaya su tapılır.

Söhbət Biləsuvar rayonunun Təzəkənd kəndindən gedir. Sakinlər iddia edirlər ki, bir neçə aydır ki, Cənub-Muğan kanalına su buraxılmır. Bu isə kəndliləri çətin vəziyyətə salır.

Təxminən 2000 nəfər əhalisi olan Təzəkənd kəndində 450-yə  yaxın təsərrüfat var. Sakinlər deyirlər ki, su təminatındakı problemlər bitkilərin məhsuldarlığına pis təsir göstərib.

Məsələ ilə bağlı Cənub  Muğan  kanalı idarəsindən bildirilib ki, problemə səbəb əsas mənbə olan Araz çayında suyun səviyyəsinin kəskin şəkildə azalmasıdır.

Görünən odur ki, sakinlər hələ bir müddət də gözləməli olacaqlar.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics