Cəmiyyət

Bakıda kirayə ev tapılmır SƏBƏBLƏR VƏ QİYMƏTLƏR - VİDEO

16 Avqust 2022 03:31
0 Şərh     Baxış: 3 695
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kirayə mənzil bazarında ciddi qıtlıq yaşanır. Elə buna görə də, artıq bəzi ev alqı-satqısı və kirayəsi ilə məşğul olan şəxslər ofislərinin girişinə ''Kirayə mənzil yoxdur'' elanları vurublar.

Milli.Az Xəzər Xəbər-ə istinadən xəbər verir ki, rieltorlar deyirlər ki, qıtlığın əsas səbəblərindən biri Bakıda söküntülərin çox olmasıdır. Digər səbəb isə tələbə faktorudur. Artıq tələbələr əvvəlki illərdəki kimi kirayə qaldıqları mənzilləri yay aylarında təhvil vermirlər.

Uzun illərdir reiltorluqla məşğul olan Həşim Qədirov bildirir ki, bazara kirayə mənzil təklifi az olduğundan qiymətlər də günü-gündən artır. İndi mərkəzdən kənar sayılan Sabunçu, Yasamal, Xətai və Nizami rayonlarının bəzi ərazilərində 300 manatdan aşağı ev yoxdur.

Mərkəzə yaxın yerlərdə isə qiymətlər xeyli yüksəkdir. Məsələn: "Nərimanov", "Gənclik" və "Elmlər Akademiyası" metrostansiyalarının yaxınlığında 2 otaqlı mənzillər 500 manatdan bahadır.

Bildirilir ki, universitetə yeni qəbul olacaq tələbələrin xüsusilə sentyabr ayının əvvəllərində Bakıya gələcəyi nəzəra alınsa, qiymətlər daha da arta bilər.

Mövzu ilə bağlı daha ətraflı videomaterialı təqdim edirik:

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.