Cəmiyyət

Qazini döyən şəxs cənnətdə 420 minə torpaq "alıbmış" - TƏFƏRRÜAT

12 May 2022 21:04
3 Şərh     Baxış: 1 772

Qarabağ qazisi Ceyhun Məhərrəmovun mayın 3-də evinin girişində bir qrup şəxs tərəfindən döyülməsi ilə bağlı təfərrüatlar məlum olub.
 
Milli.Az musavat.com-a istinadən xəbər verir ki, C. Məhərrəmovun hadisə barədə polisə şikayət etməsindən sonra məlum olub ki, davaya gələnlər arasında Zaur Abdullayev və qardaşı Faiq Abdullayev də olub.

Onlar bir neçə ay öncə ayır-ayrı şəxslərə qarşı xuliqanlıq əməlləri törətmələri və təhdid etdikləri üçün Xətai rayon Baş Polis İdarəsində inzibati xətalar məcəlləsinin 510-cu maddəsi ilə təqsirli bilinərək cərimələniblər.

Faiq Abdullayevin adı mətbuata "Şaurma N1"in şəriki Aqil Babayevin işindən məlumdur. Faiq Abdullayev iddia edir ki, Aqil Babayev ona 420 min manat müqabilində cənnətdə torpaq vəd edib.

Ceyhun Məhərrəmovun dediyinə görə döyülməsinin səbəbi "Şaurma N1"in şəriki Aqil Babayevin cinayət işi üzrə şahid qismində verdiyi ifadədir. Belə ki, "Şaurma N1" restoranın VÖEN-i və patent hüququ Ceyhun Məhərrəmovun adına olub. O, istintaq zamanı əsl həqiqətləri bildirərək şəriklərinin Natiq Sadıqov və Aqil Babayev olmasını təsdiqləyib. Bundan sonra bu cinayət işində saxta zərərçəkmişlər birləşərək Ceyhun Məhərrəmovun ifadəsini geri götürməsini ilk öncə pul qarşılığında istəsələr də, razılaşmadığı üçün onu döyərək təhqir ediblər. Bu hadisə ilə bağlı DİN "102 qaynar" xəttinə məlumat verilib. Hal-hazırda 36-cı polis bölməsində tədqiqat aparılmasına baxmayaraq, xuliqanlıq hadisəsini törətmiş şəxslər şahidləri təhqir və təhdid etməkdə davam edirlər.

Milli.Az

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Maqa · 12 May 21:1010

    Hansi cənnətdən torpaq alib? Buda təzə çixib?

    Cavab yaz
  • Anonim
    Sevda.R · 12 May 22:3800

    Cənnətdə torpaq...

    Cavab yaz
  • Anonim
    !!! · 12 May 22:4600

    İndiki dövrdə belə avamlıq????? Orta əsrlərdə Avropada var idi insanların kilsə tərəfindən aldadılaraq bütün pullarının mənimsənilməsi.Guya cənnət qəbzi verirdilər insanlara)))))

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics