Cəmiyyət

Vətən vüsala yetdi - Şəhid Vüsal Məmmədovun anım günüdür - VİDEO

16 Dekabr 2021 15:36
0 Şərh     Baxış: 710
VTB-də minimal faiz dərəcəsi ilə nağd kredit 10.49%-dən

Füzuli zirvəsinə yüksələn, azad etdiyi Füzuli torpaqlarını qanıyla suvaran qəhrəmanlarımızdan biri də şəhid Vüsal Məmmədovdur.

Vüsal Aydın oğlu Məmmədov 1989-cu il aprelin 8-də Şəmkir rayonunun Abbaslı kəndində doğulub. O, orta məktəbi bitirdikdən sonra Bakıda Milli Konservatoriyanın Muğam fakültəsində təhsil alıb.

Vüsal Xalq artisti Gülyaz Məmmədovanın tələbəsi olub.

Vətən müharibəsində isə Murov uğrunda gedən döyüşlərdə iştirak edib. Çox sayda yaralı əsgərin döyüş xəttindən çıxarılmasında böyük qəhrəmanlıqlar edib. Hərbçimiz daha sonra Kəlbəcər, Cəbrayıl və Füzuli uğrunda gedən döyüşlərdə şücaət göstərib.

Şəhidimizdən geriyə, iki ovladı yadigar qalıb. İndi bu balalarımız böyüdükcə ataları ilə daha çox qürur duyacaqlar, çünki onlar bir qəhrəman övladlarıdır.

Füzuli qəzəllərini muğam üstündə oxuduqca Vətən boyda ucalırdı Vüsal. O, ən sonuncu muğamını da böyük Füzulinin adını dayışan müqəddəs yerdə - Füzuli rayonunda oxudu. Vüsal oktyabrın 29-da Füzuli istiqamətində gedən döyüşlərdə, şəhid olur. Onun nəşi neytral zonada qaldığından, ailəsinə dekabrın 15-də təhvil verilərək, dəfn edilir.

Qeyd edək ki, şəhid Vüsal Məmmədov, ölümündən sonra Prezident İlham Əliyevin sərənacamı ilə, "Kəlbəcərin azad olunmasına görə", "Cəbray;lın azad olunmasına görə", "Füzulinin azad olunmasına görə", "Xocavəndin azad olunmasına görə", "Vətən müharibəsi iştirakçısı" və "Cəsur döyüşçü" medalları ilə təltif edilib.

Milli.Az Real Tv-nin hazırladığı sujeti təqdim edir:

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.