Şou-biznes

"Azərbaycan kinosunu 1970-ci illərdəki səviyyədə görmək istəyərdim" - Xalq artisti

5 Avqust 2020 17:46
Baxış: 1 974
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Televiziyada görünməyə həvəsim yoxdur. Hər zaman teatrda işləmişəm. Televiziyaya yeni tamaşa, obrazla çıxmaq istəyərdim. Hansısa verilişdə oturub söhbət etməyə həvəsim yoxdur".

Milli.Az axşam.az-a istinadən bildirir ki, bu sözləri Xalq artisti Valeh Kərimov "Kinomən" proqramında qonaq olarkən deyib. Aktyor efirlərə çıxmaq istəmədiyini etiraf edib.

"Bəxt üzüyü" filmindəki Moşu Göyəzənli obrazı ilə məşhurlaşan aktyor bildirib ki, yeni işləri olmadığı üçün efirlərdən qaçır:

"Bir obrazı oynadın bitdi. Gərək yeni nəsə oynayasan ki, efirdə gəlib danışasan. Azərbaycan kinosunu 1970-1980-ci illər səviyyəsində görmək istəyirəm. Onda yüksək səviyyəli filmlər istehsal olunur, tanınırdı. "Ögey ana", "Nəsimi", "Böyük dayaq" səviyyəsində filmlər görmək istərdim.

Gənc rejissorlar film çəkir. Onları kino hesab etmirəm. Neçə dəfə təklif gəlib, razılaşmamışam. Deyirəm, ssenarini verin mənə oxuyum. Qayıdırlar ki, hələ yoxdu düzəldəcəyik. Biz belə görməmişik, ssenari verilib oxumuşuq. Bilmişik ki, nə baş verəcək. İndi rejissorlar deyəcək ki, onu çəkmirik deyə, bizi pisləyir".

"Bəxt üzüyü" filmindən danışmaq istəməyən V.Kərimov bunları söyləyib:

"İkinci "Bəxt üzüyü" çəkildi, bəsdir. Onun nə serialı olacaq? 76 ildir məni evdə danışdıra bilmirlər, siz danışdıracaqsınız? Susmaq istəyirəm. Heç efirdə o film gedəndə baxmıram. Öz işimə nə qədər baxım? Adam özünə heyran olar?".  

Milli.Az

 
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.