Şou-biznes

Zamiqdən ETİRAF: “Toydan əvvəl əsəb keçirirəm”

13 Avqust 2019 16:43
2 Şərh     Baxış: 3 136
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MÜĞƏNNİ

Müğənni Zamiq Hüseynov Naxçıvanda solo konsert verib.

Milli.Az Lent.az-a istinadən xəbər verir ki, o, Saat Meydanında təşkil olunan gecə üçün özəl hazırlaşıb.

Meydanda quraşdırılan səhnənin dekorasiyası, işıqlar və səs avadanlıqları Bakıdan gətirilib. O, pərəstişkarları üçün 1 saat 45 dəqiqə ərzində 20 mahnısını səsləndirib. Onu səhnədə öz ansamblı və 4 rəqqas müşayiət edib.

Zamiq konsertdən əvvəl media nümayəndələrinin suallarını cavablandırıb. O, hazırlıq prosesindən danışıb:

"Heydər Əliyev Sarayındakı özəl konsertimdə repertuara daxil olan bəzi mahnıları yenə səsləndirdim. Sonra rəqs qrupları cəlb etdik. Çalışdıq ki, saraydakı konsertin yaxşı tərəfini açıq hava tədbirinə uyğunlaşdıraq. Mahnılarımı canlı ifa etdim. Bir-iki mahnını fonoqram səsləndirdim. Çünki hazırlamağa vaxtımız olmadı. Geyimlər üzərində yenə özüm çalışmışam. Səhnədə istədim ki, ağ və rəngarəngliyin vəhdəti təşkil olunsun".

Zamiq toy və böyük tədbirlərdə bütün işlərlə özünün maraqlandığını söyləyib:

"Böyük bir komandamız olsa da, hər şeylə özüm maraqlanıram. Bəzi hallarda axsamalar olur. Özüm o halda məsələyə qarışıram, çatışmazlıqları aradan qaldırıram. Bu zaman əziyyət çəkirəm. Konsert, toyqabağı əsəb keçirirəm. Bir az haldan düşürəm, fikrim başqa yerə yönəlir. Əslində mən bu tədbirlərdə, sadəcə ifa haqqında fikirləşməliyəm. Bu, bir az məni yorur, arxaya atır. İstəyərdim ki, daha da böyüyək. Yaxın gələcəkdə yaxşı planlarım var".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.