Şou-biznes

Elnur Azərbaycanı "Evrovision"da təmsil edəcək? - İTV-dən AÇIQLAMA - YENİLƏNİB

20 Fevral 2015 13:22

3 Şərh Baxış: 8 620

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #POPULYAR XƏBƏRLƏR

13:22

İctimai Televiziyanın "O səs Türkiye" müsabiqəsinin qalibi Elnur Hüseynovun "Eurovision-2015" mahni müsabiqəsinə göndərilməsi haqda yayılmış xəbərə münasibət bildirdiyi həqiqətə uygun deyil. Bu barədə Trend İTV-nin ictimaiyyətlə əlaqələr şöbəsinə istinadən məlumat verib.

İctimai Televiziya və Radio Yayımları Şirkəti olaraq bəyan edir ki, onlar bu məsələ ilə bağlı heç bir sayta açıqlama verməyiblər: ""Eurovision-2015"də Azərbaycanı təmsil edəcək ifaçı məlum olanda İctimai TV rəsmi açıqlama ilə çıxış edəcək".

---------
12:40

"O ses Türkiyə" yarışında bir milyon səs toplayaraq rekord qıran fəxrimiz Elnur Hüseynovun yenidən "Evrovision 2015" yarışına qatılacağı barədə türk mediasında silsilə yazılar dərc olunmaqdadır. Türkiyə mətbuatında dərc olunan materialların nə dərəcədə həqiqəti əks etdirməsi ilə bağlı məlumatı dəqiqləşdirmək istədik. Həmyerlimiz Elnur Hüseynovun builki "Evrovision" yarışmasında iştirak edib-etməyəcəyi barədə İctimai Televiziya rəsmisindən açıqlama aldıq.

Milli.Az xəbər verir ki, İctimai Televiziya və Radio Yayımları şirkətinin ictimaiyyətlə Əlaqələr şöbəsinin rəisi vəzifəsinin icraçısı Akif Cabbarov atvxeber.az-a açıqlamasında bildirib: "Xeyr, belə bir rəsmi məlumat yoxdur. Bu, Türkiyə mediasının öz təxəyyülünün nəticəsidir. Əgər elə bir şey olarsa, məlumat veriləcək. Hələ ki, elə söhbət yoxdur".

Milli.Az