Şou-biznes

Miri Yusif: "Çılpaq gəlib, çılpaq gedəcəyik"

3 Noyabr 2014 14:30

0 Şərh Baxış: 3 791

VTB-də minimal faiz dərəcəsi ilə nağd kredit 10.49%-dən

#ŞOU-BİZNES

Milli.Az ailem.az-a istinadən müğənni Miri Yusifin müsahibəsini təqdim edir.

- Ailə, yoxsa karyera?

- Ailəyə görə karyera.

- Qız, yoxsa oğlan uşağı?

- Hər ikisi.

- Sizcə, uşaqların ən maraqlı dövrü hansıdır?

- Doğum günündən nəvə verəcək dövrə qədər hər biri maraqlıdır.

- Həyat yoldaşınız fanatlarınızı qısqanmır?

- Həyat yoldaşım hərdən özü-özünə də qısqana bilər.

- Dostlarınızda nəyə önəm verirsiniz?

- Etibarlılığa.

- Xaos, yoxsa nizam?

- Səhnədə xaos, səhnə arxasında isə nizam.

- Məşhur olmaq, yoxsa olmamaq?

- Sənət məşhur olsa, yetər.

- Miri Yusif introvertdir, yoxsa ekstravert?

- Introvert.

- Kabab, yoxsa steyk?

- Steyk.

- Azərbaycan, yoxsa başqa bir ölkə?

- Los-Ancelesdə yaşayarkən sübut olundu ki, Azərbaycan.

- Şərq, yoxsa Qərb?

- Miks (qarışıq - red.)

- Hansılarla daha yaxşı dost olursunuz: qadın, yoxsa kişi?

- Gərək o şəxs insan olsun.

- Qadında sevmədiyiniz 3 xüsusiyyət hansılardır?

- Kobudluq, arsızlıq, ədəbsizlik.

- Kişi üçün ən çox hansı önəmlidir? Yaraşıq, xarizma, intellekt?

- Yaraşıqsız və xarizmasız biri olan Sokrat çox intellektual insan olub.

- Xəyanətlə üzləşsəniz, reaksiyanız necə olar?

- "Salam" deyib vidalaşaram.

- Heç olubmu haqsızlıq önündə sadəcə susmusunuz?

- Mən susmuş olsam da haqsızlıq susmayıb.

- Xoşbəxt olmaq üçün nə lazımdır?

- Özünü xoşbəxt hiss etmək.

- Qəhrəmanınız kimdir?

- Atam.

- Don Karleone, yoxsa Maykl?

- Vito Karleone.

- Kimin yerində olmaq istərdiniz?

- Bir qartalın yerində.

- Nirvanaya çata bildiniz?

- "Nirvana" albomu bitəndən sonra çatdım, daha sonra "Ağ Qarğa"ya döndüm.

- Nəyi etmədiyinizə görə peşmançılıq çəkirsiniz?

- Etdiklərimə və etmədiklərimə görə peşman deyiləm.

- "Dəyirman" olmasaydı, nə dəyişərdi?

- "Ya Qarabağ, ya ölüm" mahnısı tarixə möhür vurmazdı.

- Reinkarnasiyaya inansaq, dünyaya nə cür qayıtmaq istərdiniz?

- "Məktub" mahnısının ruhu kimi qayıtmaq istərdim.

- İndiyə kimi yazdıqlarınız arasında sizi tam olaraq ifadə edən bir cümlə...

- "Özümü tərk edincə özümü dərk edirəm".

- Bizim axırımız nə olacaq?

- Əvvəlimizi öyrəndikdən sonra axırımızı da bilərik.

- Həyat fəlsəfənizi hansı şüar ifadə edir?

- Çılpaq gəlib, çılpaq gedəcəyik.

- "İndiki ağlım olsaydı..." cümlənin davamını necə bitirərdiniz?

- İndiki ağlım olsaydı, indiki ağlıma çatmazdım.

Milli.Az

Milli.Az - Xəbər Portalı

Miri Yusif: "Çılpaq gəlib, çılpaq gedəcəyik"

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı marka avtomobil idarə edirsiniz?