Şou-biznes

Aysel Teymurzadə: «Toy günümü təyin ediblər»

13 Yanvar 2010 09:59
Baxış: 959
VTB-də minimal faiz dərəcəsi ilə nağd kredit 10.49%-dən
Azərbaycanı "Avroviziya-2009"da uğurla təmsil etmiş Aysel Teymurzadə bu il keçiriləcək yarışa qatılmaq uğrunda mübarizə aparan 6 azərbaycanlı ifaçının hər birini favorit hesab edir. Day.az saytına müsahibəsində o, müsabiqəyə qatılmaq üçün tələb olunan əsas keyfiyyətləri açıqlayıb: "Norveçə yollanacaq şəxs zəhmətsevər olmalı, çətinliklərdən qorxmamalıdır. Müsabiqə dövründə hər şeyi unutmaq və yalnız "Avroviziya" haqda düşünmək vacibdir".

Aysel rusiyalı ifaçı Dima Bilandan nümunə götürmək və ikinci dəfə "Avroviziya"ya qatılmaq fikrində deyil. Amma hələlik: "Mən indi solo karyeram haqda düşünürəm. Qoy "Avroviziya" gözləsin".

Məşhurluğun müsbət və mənfi cəhətlərindən danışan ifaçı barəsində gəzən şayiələrə öyrəşsə də, bəzən bundan məyus olduğunu da gizlətməyib. Son şayiələrdən biri isə Ayselin toya hazırlaşması haqdadır: "Bu şayiə məndə gülüş doğurdu. Ən maraqlısı odur ki, artıq toy günümü də təyin ediblər - aprelin 15-i. Məhz bu tarixi haradan götürdükləri mənimçün sirdir. Hamıya demək istəyirəm ki, bu söz-söhbətlərə inanmayın! Hələ ki, ərə getməyə hazırlaşmıram. Mənim cəmi 20 yaşım var və hələ çox gəncəm".

Aysel tezliklə yeni klipinin təqdim olunacağını da bildirib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.