Türkiyə

Heç kimin anlam verə bilmədiyi barter! BMW-ni verdi, əvəzində… dörd quş aldı

15 İyun 2025 11:41

Baxış: 4 680

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #TÜRKİYƏ #BMW

Ankarada qeyri-adi bir barter hadisəsi baş verib. Lüks BMW markalı avtomobilini dörd ədəd quşla dəyişən şəxs, görənləri heyrətə gətirib.

Milli.Az yerli mətbuata istinadən xəbər verir ki, Türkiyənin paytaxtı Ankarada baş verən bu maraqlı hadisə sosial şəbəkələrdə geniş müzakirələrə səbəb olub.

Kimliyi açıqlanmayan şəxs BMW markalı bahalı avtomobilini, nadir cins olduğu bildirilən 4 quşla barter edib.

"Əgər bu quşlar qızıl yumurtlamırsa..."

Hadisəyə şahid olanlar bu dəyişiklik qarşısında sözün əsl mənasında çaşqınlıq yaşayıb. Sosial media istifadəçiləri məsələni ironiya ilə qarşılayaraq ən çox paylaşdıqları ifadə bu olub:

"Əgər bu quşlar qızıl yumurtlamırsa, vəziyyət pisdir!"

Bəzi izləyicilər bu qəribə alış-verişi investisiya məqsədli olaraq dəyərləndirsə də, əksəriyyət hadisəyə zarafatla yanaşıb.

Quşların növü sirr olaraq qalır

Hazırda bu 4 quşun hansı cinsdən olduğu və bazar dəyərinin nə qədər olduğu ilə bağlı rəsmi açıqlama verilməyib. Amma hadisənin şahidləri bildiriblər ki, bu quşlar çox nadir rast gəlinən, yarışmalarda mükafat qazanmış elit cinslər ola bilər.

Sosial şəbəkələrdə gündəm oldu

Bu qeyri-adi barter hadisəsi qısa müddətdə sosial medianın trend mövzusuna çevrilib. İstifadəçilər bu hadisəni həm zarafat, həm də təəccüb dolu şərhlərlə qarşılayıblar.

Kənan
Milli.Az