Şou-biznes

"Qəti balaca Səidəyə buna izin verməzdim" ” - Efirdə AĞLADI - VİDEO

5 İyun 2026 17:25

Baxış: 2 027

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #MƏŞHURLAR #MÜĞƏNNİ #ŞOU

Müğənni Səidə Dadaşova televiziya proqramında etdiyi səmimi etiraflarla diqqət çəkib.

Milli.Az xəbər verir ki, sənətçi uşaqlıq illəri ilə qarşılaşmaq imkanı olsaydı, özünə hansı məsləhətləri verəcəyindən danışarkən duyğularına hakim ola bilməyib. O, həyat yolunda çox çətinliklərlə üzləşdiyini və bəzi hadisələrin onu dərindən incitdiyini bildirib.

Səidə Dadaşova qeyd edib ki, hazırda özünü layiq olduğu yerdə görmür. Müğənninin fikrincə, sənət adamı yalnız səsi ilə deyil, davranışı, nitqi, səhnə mədəniyyəti və ümumi nümunəvi xarakteri ilə də seçilməlidir.

O, indiki ağlı ilə uşaqlıq dövrünə qayıda bilsəydi, həyatını fərqli istiqamətdə quracağını etiraf edib. Müğənni bildirib ki, kiçik yaşlı Səidəyə başqa yol göstərər və onun daha sakit, huzurlu həyat yaşaması üçün çalışardı.

Sənətçi həmçinin sənət aləminin düşündüyü qədər asan olmadığını vurğulayaraq, yenidən seçim etmək imkanı olsa, özünü bu sahəyə yönləndirməyəcəyini deyib.

Səidə Dadaşovanın kövrək anları və səmimi etirafları proqram izləyicilərinin diqqətini çəkib və sosial şəbəkələrdə geniş müzakirə olunub.

Hüseyn
Milli.Az