Şou-biznes

""Qurban" - fəda etmek deməkdir, qoyun kəsmək YOX"

27 May 2026 09:33
Baxış: 1 126
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #AKTYOR #QURBAN BAYRAMI

Aktyor Elməddin Cəfərov açıqlaması ilə sosial şəbəkələrdə diqqət çəkib.

Milli.Az xəbər verir ki, Sənətçi "Qurban bayramı" ilə bağlı səsləndirdiyi fikirlərlə geniş müzakirələrə səbəb olub. O bildirib ki, insanlar qurban anlayışına yalnız heyvan kəsmək kimi yanaşmamalıdırlar.

Cəfərov qeyd edib ki, araşdırmalarından sonra "qurban" sözünün mənasının fədakarlıq etmək olduğunu öyrənib:

"Qurban bayramı"nda milyonlarla qoyun kəsirik. Ehtiyac olsa da, olmasa da bunu özümüzə borc bilirik. Araşdırıb bildim ki, "qurban" fəda etmək deməkdir, təkcə qoyun kəsmək yox. "Özünüzdən nəyisə qurban edin" deyiləndə ağıla yalnız qoç gəlməməlidir. Kiməsə sadəcə ət vermək məcburiyyətində deyilsiniz. Bəlkə onun bu gün ətə yox, çörəyə və ya maddi köməyə ehtiyacı var. Qoyunun ətinə veriləcək pulu ona verin, çətinlikdən xilas olsun. Biz əslində o addımları qarşıdakını yox, özümüzü xilas etmək üçün atırıq".

Onun bu fikirləri sosial şəbəkələrdə birmənalı qarşılanmayıb. Bəzi istifadəçilər aktyorun düşüncələrini dəstəkləsələr də, digərləri ənənəvi qurban ibadətinin fərqli şəkildə yozulmasına etiraz ediblər.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.