Şou-biznes

"Nə vaxta qədər ərə siqaret pulu verməli idim?"

23 Aprel 2026 15:20
Baxış: 5 538
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #AİLƏ #MÜĞƏNNİ

Müğənni Aysun İsmayılova şəxsi həyatı ilə bağlı diqqət çəkən açıqlamalar verib.

Milli.Az-ın məlumatına görə, sənətçi bildirib ki, nişanlandıqdan qısa müddət sonra üzüyü geri qaytarmaq istəsə də, ailəsinin reaksiyası səbəbindən bu addımı ata bilməyib. Onun sözlərinə görə, həmin vaxt anası Rəqsanə İsmayılovanın "camaat nə deyər" düşüncəsi qərarına ciddi təsir edib və bu səbəbdən evlilik qərarı verib.

İsmayılova əlavə edib ki, anası ilk evliliyinə qarşı olsa da, o yenə də ailə qurmağa qərar verib. Müğənni sonradan bu qərarın düzgün olmadığını anlayıb və o dövrdə daha təcrübəsiz olduğunu etiraf edib:

"Nişanımızdan bir ay keçməmişdi. Moskvadakı evimizin balaca restoranı da vardı. Orada anamı çağırıb dedim ki, nişanı qaytarmaq istəyirəm. O isə 'yox, camaata nə deyərik?' dedi. Elə o andan bu söz beynimə həkk olundu. İndiki düşüncə ilə baxanda anlayıram ki, o vaxt ağlımda deyildim, hələ uşaq idim. Düşündüm ki, camaat nə deyər, ailə qurmalıyam.

Daha sonra anam birinci evliliyimə qarşı olsa da, yenə də ərə getdim. Çünki beynimdə 'camaat nə deyər' fikri qalmışdı. Mən işləməyi, pul qazanmağı sevən biriyəm. Amma nə vaxta kimi kişiyə siqaret pulu, çörək pulu verməli idim? Bu qədər də olmaz. İnsan yalnız öz rahatlığını düşünürsə, belə münasibət alınmaz".

Sənətçi həmçinin münasibətlərdə maddi məsuliyyət mövzusuna da toxunaraq, uzun müddət qarşı tərəfə maddi dəstək göstərməyin düzgün olmadığını vurğulayıb. Onun bu fikirləri sosial şəbəkələrdə geniş müzakirələrə səbəb olub.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.