Şou-biznes

Məşhur pop qrupu səhnəyə dönür

21 Mart 2026 20:45

Baxış: 1 041

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MÜĞƏNNİ #CƏNUBİ KOREYA

Cənubi Koreyanın maliyyə naziri Ko Yun-çul bildirib ki, ölkənin məşhur pop qrupu BTS-in Seulun mərkəzində keçiriləcək konserti iqtisadiyyata milyardlarla dollar qazandıracaq.

Milli.Az xəbər verir ki, bu barədə TASS agentliyi məlumat yayıb.

"BTS-in konserti bu gün baş tutacaq. Bu tədbir təkcə milyardlarla dollar dəyərində iqtisadi təsir yaratmayacaq, həm də onun görünməz təsiri daha böyük olacaq", - deyə nazir "X" sosial şəbəkəsində qeyd edib.

Qeyd olunub ki, bu tədbir qrupun Koreya Respublikası Silahlı Qüvvələrində hərbi xidmət keçməsi səbəbindən yaranan məcburi fasilədən sonra (2022-ci ildən bəri) ilk konserti olacaq.

Nazir paylaşımında Yaxın Şərqdəki vəziyyətə də toxunub:

"Dünyanın hər yerindən BTS pərəstişkarları bu konsertdə bir araya gələcəklər. Kaş ki, bu məkan bölünmə və münaqişə deyil, harmoniya və sülhün simvolu olaydı. Qrupun geri dönüşü bir çox insana ümid verir. Ümid edirəm ki, müharibə tezliklə başa çatacaq və iqtisadiyyat normal vəziyyətinə qayıdacaq", - deyə Ko Yun-çul əlavə edib.

Nazir bildirib ki, hakimiyyət orqanları konsertdə bir neçə yüz min insanın iştirak edəcəyini proqnozlaşdırır.

Xəbərə görə, qrup daha sonra dünya turnesinə çıxacaq. (Oxu.Az)

Milli.Az