Şou-biznes

Əməkdar artist: "Xanımımı əldə etmək üçün buna SÖZ VERDİM"

8 Mart 2026 13:14

Baxış: 4 567

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #MÜĞƏNNİ #ƏMƏKDAR ARTİST #ŞOU

Əməkdar artist Aqşin Abdullayev canlı efirdə etdiyi səmimi açıqlama ilə diqqət çəkib.

Milli.Az-ın məlumatına görə, sənətçi bildirib ki, ailə qurarkən həyat yoldaşına bir söz verib və bu günə qədər həmin sözün üstündə dayanır.

"Mən həyat yoldaşıma söz vermişdim ki, heç kimlə duet oxumayacağam. Onun bir şərti var idi ki, duet olmasın. Mən də onu çox istədiyimə görə bunu qəbul etdim. Söz vermişəmsə, sözümün üstündə durmalıyam".

Aqşin Abdullayev qeyd edib ki, həmin vaxt ailə qurmaq və münasibəti qorumaq üçün bu şərtlə razılaşıb:

"O zaman ailə qurmaq üçün razılaşdım. Amma indi razılıq olsa, bəlkə də duet oxuya bilərəm".

Sənətçi duetlər haqqında maraqlı fikir də səsləndirib. Onun sözlərinə görə, duet oxuyan ifaçılar arasında müəyyən yaxınlıq və emosional bağ hiss olunur:

"Deyir ki, duet oxuyursansa, əldən də tutmalısan, onu yaşamalısan ki, tamaşaçıya çatdıra biləsən. Ona görə də duet məsələsini qəbul etmir".

Müğənninin bu sözləri sosial şəbəkələrdə müzakirələrə səbəb olub. İzləyicilər mövzu ilə bağlı müxtəlif fikirlər səsləndirərək sənətçinin həyat yoldaşına verdiyi sözə sadiq qalmasını bəziləri təqdir edib, bəziləri isə bu yanaşmanı fərqli qarşılayıb.

Hüseyn
Milli.Az