Şou-biznes

Nəfəsin arxiv görüntüsü YAYILDI - VİDEO

8 Mart 2026 12:53

Baxış: 3 778

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #MƏŞHURLAR #MÜĞƏNNİ #ŞOU #TV

Müğənni Nəfəsin illər əvvəl lentə alınmış arxiv görüntüləri sosial şəbəkələrdə yayılıb və izləyicilər arasında geniş müzakirələrə səbəb olub.

Milli.Az xəbər verir ki, kadrlarda ifaçının sənətə yeni başladığı dövr əks olunur.

Yayılan görüntülər vaxtilə Space TV-də efirə gedən verilişlərdən birinə aiddir. Həmin proqram mərhum aparıcı və aktyor Ramiz Hüseynzadənin təqdimatında yayımlanırdı.

Kadrlarda Nəfəsin səhnəyə ilk addımlarını atdığı, daha sadə obraz və ifa tərzi ilə tamaşaçı qarşısına çıxdığı görünür. Onun illər içində keçdiyi sənət yolu və imic dəyişikliyi izləyicilərin diqqətindən yayınmayıb.

Paylaşım qısa zamanda minlərlə baxış toplayıb. Şərhlərdə istifadəçilər ifaçının əvvəlki və indiki görünüşünü müqayisə edərək fikirlərini bölüşüblər.

Xüsusilə Ramiz Hüseynzadənin aparıcılığı ilə yayımlanan proqramdan olan kadrlar izləyicilərdə kövrək anlar yaradıb. Bir çox istifadəçi mərhum aparıcını da yad ediblər.

Görüntülər sosial mediada geniş müzakirələrə yol açıb.

Musa
Milli.Az