Şou-biznes

Elnur Elza İbrahimova ilə yaşadığı qalmaqaldan danışdı - "Acığa dedim ki..."

25 Fevral 2026 19:25

Baxış: 501

VTB-də minimal faiz dərəcəsi ilə nağd kredit 10.49%-dən

#MÜĞƏNNİ

"Bəzi sənət dostlarımız var ki, onların mahnısını oxuyanda elə bil söyürsən. Bilmirəm bu, özünə inanmsızlıqdan, yoxsa nədən irəli gəlir".

Milli.Az xəbər verir ki, bu sözləri müğənni Elnur Məmmədov "Söhbət var" verilişində deyib. İfaçı mərhum Xalq artisti Elza İbrahimova ilə yaşadığı mahnı qalmaqalından danışıb:

"Mənə indiyənə qədər travma verən məqam var. Ağacəbrayıl Abasəliyev (Xalq artisti, kamança ifaçısı - red.) məsləhət verdi ki, "Gecələr bulaq başı" mahnısını oxuyum. Yeni aranjimanda oxudum. Zəng gəldi ki, siz niyə mənim mahnımı icazəsiz oxumusunuz və dəyişmisiniz? Dedi ki, Elza İbrahimovadır danışan. Mən onu xalq mahnısı bilib oxumuşam. Könül qırmaq böyük günahdır. İndiyənə qədər də ürəyimdə qalan xaldır. Dedim ki, üzr istəyirəm, hər yerdən sildirəcəyəm. Radiolara, hər yerə zəng vurdum ki, yayımlanmasın. Onun acığına "Helvacı"nı oxudum.

Sonra eşitdim ki, ermənilər albom çıxarıb, 15 mahnı Elza İbrahimovanın bəstəsidir. Pis oldum, dedim zəng vurub deyir niyə oxudun? Acığa dedim ki, hər yerdə mahnı getsin. Necə mən hansısa gənci özümə nifrət etdirim? Mahnımı kim istəyir oxuya bilər, yalnız bəstəkardan icazə alsın". (Axşam.az)

Milli.Az