Şou-biznes

Hollivudda pedofiliya şoku: Məşhur prodüser 15 yaşlı qızla görüşərkən yaxalandı - VİDEO

5 Fevral 2026 22:28

Baxış: 2 567

VTB-də minimal faiz dərəcəsi ilə nağd kredit 9.9%-dən

#VİDEO #HOLLYWOOD

76 yaşlı məşhur prodüser Herşel Veynqrodun yaşının az olduğunu bildiyi halda 15 yaşlı bir yeniyetmə ilə görüşmək üçün gəldiyi iddia edilən məkanda tələyə salındığı bildirilir. Hadisənin görüntüləri sosial mediada sürətlə yayılmaqdadır.

Milli.Az xəbər verir ki, Veynqrod internet üzərindən 15 yaşında olduğunu bildiyi bir qızla ünsiyyət qurub və onunla görüşmək barədə razılaşıb. Lakin görüş yerinə gəldikdə, onu uşaq istismarçılarını ifşa edən bir qrup qarşılayıb. Həmin anlar videoya çəkilərək internetdə paylaşılıb.

Məsələnin artıq ABŞ-nin hüquq-mühafizə orqanlarına qədər gedib çıxdığı bildirilir. Prodüserin bu hərəkəti "yetkinlik yaşına çatmayan şəxsi qanunsuz görüşə təşviq etmək" və "uşaq istismarına cəhd" maddələri ilə araşdırıla bilər.

Hələlik rəsmi qurumlar tərəfindən Veynqrodun həbs olunub-olunmadığına dair qəti bir açıqlama verilməyib. Prodüserin vəkilləri də mövzu ilə bağlı sükutu pozmayıblar.

Herşel Veynqrod Hollivudun ən təcrübəli ssenaristlərindən biri hesab olunur. Xüsusilə 80-ci və 90-cı illərdə Arnold Şvartsneqqer, Denni de Vito və Bill Mürrey kimi ulduzların baş rolda oynadığı bir çox hit filmin ("Twins", "Kindergarten Cop") yaradıcılarından biridir.

Lalə Qüdrətova
Milli.Az