Şou-biznes

"Yalı çapkını"nın aktyorları yeni serialda - FOTO

5 Fevral 2026 21:52

Baxış: 6 830

VTB-də minimal faiz dərəcəsi ilə nağd kredit 9.9%-dən

#SERİALLAR #AKTRİSA #AKTYOR

"Yalı Çapkını" serialında "Gülgün" obrazını canlandıran Gözde Kansu, yeni layihəsi olan "Çirkin" üçün müqavilə imzalayıb. O, bu serialda "Yalı Çapkını"ndakı tərəfdaşı Çetin Tekindor ilə yenidən kamera qarşısına keçəcək.

Milli.Az xəbər verir ki, 1 martda çəkilişləri başlayacaq "Çirkin" serialı Star TV-də yayımlanacaq. Ekran işinin ssenarisini Özlem İnci Hekimoğlu və Nil Güleç Ünsal qələmə alır. Serialın baş rollarını Derya Pınar Ak, Çağlar Ertuğrul və Çetin Tekindor paylaşacaq.

Gözde Kansu serialda "Hande" obrazına həyat verəcək. O, serialın baş qəhrəmanlarından biri - gecə klubu sahibi olan Ökkeşin (Çetin Tekindor) sevgilisi (və ya gənc həyat yoldaşı) rolunda tamaşaçı qarşısına çıxacaq.

"Yalı Çapkını" serialında "Halis Korhan" (qayınata) və "Gülgün" (gəlin) obrazlarını canlandıran Çetin Tekindor və Gözde Kansu, yeni serialda bu dəfə bir-birinə aşiq olan cütlüyü canlandıracaqlar. Həmçinin, "Yalı Çapkını"nın rejissoru Burcu Alptekinin də bu layihədə yer alması komandanın bir hissəsinin yeni ünvana köçdüyünü göstərir.

Lalə Qüdrətova
Milli.Az