Şou-biznes

Nadir anasından danışıb ağladı - "Pulumuz o qədər az idi ki, anam..."

28 Yanvar 2026 21:34

Baxış: 1 689

VTB-də minimal faiz dərəcəsi ilə nağd kredit 9.9%-dən

#MÜĞƏNNİ

Müğənni Nadir Qafarzadə uşaqlıq illərindən danışarkən kövrək anlar yaşayıb.

Milli.Az xəbər verir ki, sənətçi "Qonaqcanlı" verilişində anasından söhbət açarkən göz yaşlarına hakim ola bilməyib.

"O illər üçün çox tamarzıyam. Atalı-analı, qonşulu illərimiz... Mən 12 yaşımdan pul qazanıram. Allah Nizami Rəmziyə rəhmət eləsin, kəndimizə gəlmişdi. Məni gördü və anama dedi ki, 'Qoy bu uşağı özümlə toylara aparım, pul qazansın'. Evə ilk gətirdiyim pul 120 rubl idi. Həmin pulu anama vermişdim. Evin xərclərinə o nəzarət edirdi. Anam da bizim üçün xərcləyirdi. Pulumuz o qədər az idi ki, anam axşam bazarına gedirdi. Axşam bazarında qiymətlər ucuz olurdu. Bizi elə böyüdüb. Ona görə də anam üçün çox darıxıram. Atam üçün o qədər də darıxmıram, çünki dünyasını dəyişəndə uşaq idim. Amma anamın gözümün qabağında çəkdiyi əziyyətlər var idi. Danışa bilmirəm, qəhər məni boğur". (axşam.az)

Milli.Az