Şou-biznes

"Kızılcık Şerbeti"nin Fatihi göz yaşları içində setlə vidalaşdı - FOTO

28 Yanvar 2026 20:31

Baxış: 1 567

VTB-də minimal faiz dərəcəsi ilə nağd kredit 9.9%-dən

#SERİALLAR

"Kızılcık Şerbeti" serialında "Fatih Ünal" xarakterinə həyat verən Doğukan Güngör narkotik maddə testinin müsbət çıxmasından sonra layihədən kənarlaşdırılıb. Kanalın qərarı ilə çəkilmiş kadrları silinən və tanıtım çarxlarından çıxarılan aktyor üçün setdə vida mərasimi təşkil olunub.

Milli.Az xəbər verir ki, ötən həftə məşhur simalara qarşı keçirilən narkotik əməliyyatı çərçivəsində saxlanılan Doğukan Güngörün qan və saç nümunələrində qadağan olunmuş maddələr (kokain və marixuana) aşkar edilib. Bu xəbərdən sonra "Show TV" rəhbərliyi aktyorla müqaviləni dərhal ləğv edib. Onun çəkildiyi hazır bölümlər zibil qutusuna atılıb, afişalardan isə şəkli silinib.

Bu gün set heyəti Doğukan Güngör üçün vida tədbiri keçirib. Serialın çəkildiyi evə dəvət edilən aktyor həmkarlarının alqışları qarşısında duyğularını cilovlaya bilməyib və göz yaşlarına boğulub.

"Bu evdə 3 il yarımım keçib, ruhumla yaşadığım gözəl səhnələrim olub. Aktyor və Doğukan olaraq bu, yəqin ki, ən çətin səhnəmdir... Hazırda hiss etdiyim bu dağıntı altından aktyorluğa olan eşqim və özümə inamımla çıxacağıma əmin ola bilərsiniz." - deyə Güngör qeyd edib.

Serialda onun atası "Abdullah bəy" obrazını canlandıran ustad sənətkar Ahmet Mümtaz Taylan aktyoru qucaqlayaraq ona dəstək olub. "Doğukan, sən deməyə söz buraxmadın, amma biz sənə inanırıq və səni çox sevirik. Gələcəkdə yenidən birlikdə işləyəcəyimizə əminik. Gənc adamın başına hər iş gələ bilər." deyə bildirib.

Məlumata görə, "Fatih Ünal" obrazı hekayədən çıxarılmayacaq. Bu rolu canlandırmaq üçün artıq aktyor Emre Dinler ilə razılıq əldə olunub.

Lalə Qüdrətova
Milli.Az