Şou-biznes

"Gündə 3 min manat QAZANIRAM"

26 Yanvar 2026 11:30
Baxış: 2 707
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #MƏŞHURLAR #MÜĞƏNNİ #ŞOU

"Elit star" ləqəbi ilə tanınan müğənni Cəmilə maraqlı və müzakirələrə səbəb olan açıqlaması ilə gündəmə gəlib.

Milli.Az xəbər verir ki, ifaçı "Öz aramızda" verilişinin qonağı olarkən qazancı, toy dəvətləri və şəxsi həyat tərzi ilə bağlı səmimi etiraflar edib.

Toylara az dəvət aldığını deyən sənətçi, buna baxmayaraq toylara gedən bir çox müğənnidən daha çox qazandığını bildirib. Cəmilə vurğulayıb ki, əsas gəliri kabinet, klublarda çıxışlarından əldə edir:

"Mən 'kabinet' deyilən məkanlarda oxuyuram. Hara çağırırlar, gedib ifa edirəm. Toy dəvəti gözləyə bilmərəm. Ayda 25-30 min manat qazanıram. Gündəlik qazancım 2-3 min manat olur".

Müğənni ad günlərini də Azərbaycanda keçirmədiyini açıqlayıb. Onun sözlərinə görə, xüsusi günlərini xarici ölkələrdə qeyd etməyi üstün tutur:

"Ad günlərimi xarici ölkələrdə keçirirəm. Burada keçirib xərc çəkməkdənsə, başqa ölkə görürəm. Gələn il ad günümü İspaniyada, o biri il isə Stokholmda keçirməyi planlaşdırıram. Kabinetdə oxumağıma kimsə nəsə deyə bilməz, o yaşım deyil. Pulumu qazanıram. Gənclər mahnılarımı sevir, əzbərdən oxuyurlar. Heç kimin ad gününə getməmişəm, bundan sonra da getməyəcəyəm. Öz ad günümü də burada keçirməyəcəyəm".

Müğənninin bu açıqlamaları sosial şəbəkələrdə geniş müzakirələrə səbəb olub. Bəziləri onun açıq danışmasını təqdir etsə də, bəziləri səsləndirdiyi fikirləri tənqid edib.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.