Şou-biznes

"Toy rəqsimi yoldaşımla deyil, anamla etməli oldum" - Bekhemdən etiraf - FOTO

21 Yanvar 2026 21:31

Baxış: 936

VTB-də minimal faiz dərəcəsi ilə nağd kredit 9.9%-dən

#ŞOU-BİZNES

Devid və Viktoriya Bekhemlərin böyük oğlu Bruklin Pelts-Bekhemin ailəsi ilə yaşadığı münaqişənin səbəblərini açıqlaması geniş müzakirələrə yol açıb.

Milli.Az xəbər verir ki, 26 yaşlı Bruklin instaqramda etdiyi silsilə paylaşımlarda ilk dəfə olaraq ailədəki gərgin münasibətlərdən bəhs edib.

"İllərdir susurdum, bunu gizli saxlamağa çalışırdım. Lakin valideynlərim və onların komandası mətbuata müraciət etməyə davam etdilər, mənə həqiqəti söyləməkdən başqa seçim qoymadılar. Mən ailəmlə barışmaq istəmirəm. Artıq məni nəzarət altında saxlaya bilmirlər və ilk dəfədir ki, öz hüquqlarımı müdafiə edirəm", - o yazıb.

Bruklin iddia edib ki, 2022-ci ildə Nikola Peltzlə toyunda anası Viktoriya Bekhem onun həyat yoldaşı ilə rəqs etməsinə mane olub və onunla birlikdə rəqs etməsini israrla istəyib.

26 yaşlı Bruklin bildirib ki, yeni evlənənlər romantik bir rəqs planlaşdırsa da, Viktoriya Bekhem təxminən 500 qonağın qarşısında "uyğunsuz" şəkildə oğlunu rəqsə cəlb edib. Bu hadisənin ailə daxilində illərdir davam edən münaqişənin əsas səbəblərindən biri olduğu vurğulanıb.

Hadisə sosial mediada geniş müzakirələrə səbəb olub.

Fidan
Milli.Az