Şou-biznes

Məşhur aktrisadan etiraf: O səhnə çəkilərkən qabırğam qırıldı

17 Yanvar 2026 08:08
Baxış: 1 488
VTB-də minimal faiz dərəcəsi ilə nağd kredit 9.9%-dən
#SERİALLAR #AKTRİSA

"Game of Thrones" ulduzu Emiliya Klark yeni dizisi "Ponies"in çəkilişləri zamanı ciddi zədə aldığını açıqlayıb. Aktrisa yataq səhnəsinin çəkilişi zamanı qabırğasının qırıldığını və çəkiliş prosesinin gözlədiyindən çox daha yorucu keçdiyini bildirib.

Milli.Az xəbər verir ki, aktrisa bildirib ki, çəkilişlər zamanı saatlarla davam edən yaxınlıq səhnələrində fiziki olaraq çox çətinlik çəkib. "Bir neçə saat ərzində üç fərqli kişi ilə yaxınlıq səhnəsi çəkməli olduq. Eyni hərəkətləri təkrar-təkrar etdiyimiz vaxt qabırğam qırıldı", - deyə aktrisa yaşadığı çətinliyi izah edib.

39 yaşlı britaniyalı aktrisa artıq əjdahalar və sehrli dünyalar kimi fantastik janrlardan uzaqlaşmaq istədiyini deyib. O, artıq karyerasında daha real və fərqli hekayələrdə rol almağa üstünlük verir.

Emiliya Klark "Ponies" serialında Soyuq müharibə dövründə yaşayan "Bea" adlı qadını canlandırır. Həyat yoldaşını itirdikdən sonra cavabsız qalan sualların arxasınca gedən Bea, yüksək rütbəli KQB agentlərini özünə cəlb edərək məxfi məlumatlar toplamağa çalışır.

Dörd dəfə "Emmi" mükafatına namizəd olan Klark "Ponies" serialının onun üçün bir dönüş nöqtəsi olacağını vurğulayıb. O, tamaşaçıların onu bu layihədə indiyə qədərki rollarından çox fərqli bir obrazda görəcəklərini qeyd edib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.