Şou-biznes

"Niyaməddin Musayev gecə klublarında oxuyur, PUL QAZANIR"

16 Yanvar 2026 11:00

Baxış: 5 105

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MƏŞHURLAR #MÜĞƏNNİ #XALQ ARTİSTİ #ŞOU

Müğənni Cəmilə "Öz aramızda" verilişində verdiyi açıqlamalarla diqqət çəkib.

Milli.Az xəbər verir ki, sənətçi efir zamanı Xalq artisti Niyaməddin Musayevlə bağlı səsləndirdiyi fikirlərlə müzakirələrə səbəb olub. Cəmilə bildirib ki, tanınmış ifaçı gecə klublarında səhnə alaraq gəlir əldə edir və bunun qeyri-adi bir tərəfi yoxdur.

Onun sözlərinə görə, müğənni üçün qazanc imkanları əsasən gecə məkanlarında olur:

"Niyaməddin Musayev gecə klublarında oxuyur və pul qazanır. Ümumiyyətlə, hər yerdə çıxış edir. Gecə saat 12-dən sonra məkanlara gedib oxuyur. Biz müğənniyik, pul qazanmalıyıq. Restoranda da oxuyuruq, klubda da, pubda da, restopubda da, gecə klubunda da".

Cəmilə əlavə edib ki, gecə klublarında daha bahalı kabinetlər və yüksək tələbat var:

"Ən bahalı, ən çox tələb olunan yerlərdir. Niyə mən də oralarda oxumamalıyam? Oturub gözləyim ki, ayda kimsə məni 2-3 toya çağırsın? Bununla dolanmaq olar? Klublar səhər 6-ya qədər dolu olur, insanlar saatlarla musiqiyə qulaq asırlar".

Müğənninin bu fikirləri sosial mediada və tamaşaçılar arasında geniş müzakirələrə yol açıb.

Milli.Az